"Gdo sie za swój jynzyk wstydzi, takim niech sie każdy brzidzi"
Dzisio wlezymy w Szyrokóm, bo też tam je co łoglóndać. To pucowani tego małego kościółka aji dość wartko im pokraczuje, ale tak sie s tym rozegnali, że zapomnieli wrazić do dziurek w cyfrblacie skazówki. Lepszyj by jednakowóż było wstyrczyć ty skazówki, jak tam stoł tyn rusztónek, bo teraz bydóm mieć s tym kapke łostudy. Zawsze taki wieca lepszyj sie wstyrkuje s pola, coby trefić do tej dziury, do kierej sie chce. Hrómsko żech je zwiedawy, jako to teraz sie im podarzi s tymi skazówkami, ale nie bydym ich szterowoł, bo eszcze ściepjóm ty cyferblaty i bydzie sranda. Przygłóndołech sie też, czymu tyn kościółek stoji tak szuro, bo robi s tej Szyroki ulice Wónskóm i nic mi do głowy nie prziszło. Żodnymu jednakowóż nie wpadło to do czepani, coby to przemianować, jak była ku tymu przileżytość przi ściepowaniu wszeckich "felernych" szyldów, kiere nowej władzy nie pasowały. Kapke dalij, jak pokroczymy, to szyldów je aż ło trzi za moc i aji tabulka, na kierej pisze, coby iś kaj indzij zarejestrować auto, żodnymu do dzisia jakosi nie zawadzała. Urzyndników w powiecie przeca nie brakuje i mógby sie też kierysi roz za jakiś czas przynś po mieście s klyszczami i ściepać ty niepotrzebne tabulki.
A teraz zać fajny wic:
Katechetka chce sie dowiedzieć, czy dziecka przed spanim rzykajóm. Pyto sie jich:-Co trzeja zrobić przed spanim?
Moc dziecek sie rwie do odpowiedzi, ale łóna wybrała Jónka, bo se myślała, że łón to powiy, jak sie patrzi.
Jónek prawi:-trzeja iś sie wyjscać do haźla.
Strefa Biznesu: Rewolucyjne zmiany w wynagrodzeniach milionów Polaków
Dołącz do nas na Facebooku!
Publikujemy najciekawsze artykuły, wydarzenia i konkursy. Jesteśmy tam gdzie nasi czytelnicy!
Kontakt z redakcją
Byłeś świadkiem ważnego zdarzenia? Widziałeś coś interesującego? Zrobiłeś ciekawe zdjęcie lub wideo?
