Szpacyrkiem po Cieszynie: Kudła wykolbować. Gwarowy kącik Dziennika Zachodniego.

"Gdo sie za swój jynzyk wstydzi, takim niech sie każdy brzidzi"

Łostatnio minylimy tyn przirażóny do muru od Boremeuszek daszek, kiery tam bydzie isto tak dłógo stoł aż skrymbi i wlyźlimy na Górny Rynek. Kapke dalij mogymy se kupić rozmajte kajzerki, żymły i aji chlyb. Aslage tam majóm pieknóm Dalij jak chcymy powydziwiać cosi ze swjim psym i mu na karku kudła wykolbować to nóndymy to kapke dalij we dwiyrzach. Kiejsi żodyn nie wydziwioł tak z tymi psami, bo łóne były jyno do wachowanio chałup. Teraz mómy insze czasy, bo ludzie majóm na to piniódze, by swojigo kocura abo psa nosić na rynkach i wozić w autach. Widać, że aji czasym psóm i kocuróm sie podarzi jak trefióm na szykownóm paniczke co o nich dbo i zakludzi do fryzjera. Dalij na tym samym tretu-arze trefiymy na kszeft z hóślami, trómpetami i eszcze inszymi wiecami do granio, kiere jak mómy radzi muzyke mogymy se kupić. Teraz muszymy przelyź przez ceste i stanymy wedla gospody co sie Bar Kurczak nazywo. Żodnego jedzynio z kurczaka tam nie dostaniecie, bo łóni uż ganc, co inszego warzóm i zamias z kurczoka majóm jyno mjyn-so z babucia. A eszcze, by było srandownij ani żodnego kurzigo rosołu nimajóm jyno zupe gulaszowóm.
A teraz zaś fajny wic:
- Panie dochtorze dajóm mi jaki lyki do mojigo starego, aby na spaniu tela nie rzóndził.
- Jo wóm poradzym paniczoko. Musicie za dnia też tego swojigo chłopa dopuścić do słowa to bydzie społ bez rzóndzynio całóm noc